الى راكي حابة نعيشو متهانين
كا ين شي من درق نتفاهمو عليها
اللي بيناتنا يبقى بينتنا يا لحنين
وحيتنا منحبش واحد يدخل فيها
احنا ربي وقت خلقنا خلقنا حرين
والحر حياتو غير بفكرو يبنيها
قداش من قلوب كانو خاوة ورجعو متعادين
بلما نقولك نضن هذي راكي تعرفيها
وين كان العاشق يكنو عديانو موجودين
والعدو لكان يصيب نارو فالماء يقديها
على هذا منحبش تسمعي لكلام الغيورين
وكلمة قال وقال الجياح هوما اللي ماليها
انا نحب محبوبي يكون عقله رزين
ماشي قربة فارغة اللي جاء يملا فيها
الى راكي حابة نعيشو متهانين
اعلقلي على واصيتي بلاك تنسيها
اذا راكي حابتني نبقى نبغيك
علمني غير كيفاش نبقى نحبك
دريني كيف طير بين يديك
ومتعلمنيش كيفاش نخاف منك
انا كان خفت راني نهرب عليك
وقت نهرب غير متستنيش رجوعي ليك
اذا راكي بغيتني نبقى نبغيك
صح انتي قلبي راهو متمنيك
نهار اللي جات عيني في عينيك
قلبي ضرب وهرب جا لعندك
صارحتك وقلتلك باللي عشقتك
المكتوب كتب وربي لاقناي بيك
جريت وجريت شحال باش جبتك
انتي ورضه غالية عليا لازم نحميك
على ذاك الشي في قلبي غرستك
واللي في قلبي على هذ الورقة نقولك
مزال صغيرة عمري ونخاف عليك
والله على طول عمري ما نخطيك
