كتاب كيف تصطادين عريسا وتحافظين عليه

الموضوع مهم وفيه نصائح قيمة للبنات .........يلا اضحكو واستفيدو في نفس الوقت

ملخص كتاب: د/السباعى
د/ عبد الرءوف السباعى / كيف تصطادين عريساً وتحافظين عليه حتى كتب الكتاب ؟؟



*لو جالك عريس متقوليش لحد من صحباتك ؛الحاجات دي بتتنظر وأنتي عارفه البنات عينيها وحشة


*لو واحدة من صحباتك جبتلك عريس إوعي تشوفيه أو توافقي عليه



لوكان عدل كانت خدته هي



*هتقولي طب لو متجوزة أقولك هتبقي عاوزاكي تاخدي واحد أقل من المنيل جوزها



*متفضحيش الدنيا أما يجيلك عريس أصبري شوية لما تمسكيه كويس هتصيّحي لنفسك ع الفاضي وتتحسب عليكي خطوبة



*في أول مقابله لو لاقيتيه بيبص ف ساعته ..قاعد مش على بعضه.. وشه إتخطف
وبان عليه خيبة الأمل إعرفي إنك معجبتيهوش .. إسبقي إنتي وقولي إنك رافضاه؛
متخليش واحد زي ده يقول أنه مش عاوزك



متزعليش عليه ولا على غيره.. الرجالة زي الأتوبيسات واحد عدّى التاني جاي وراه



كمان الرجال زي الدبان هتهشي واحده هييجي عشرة غيره



*عجبتك ؟طب خدي دي: الرجالة زي المطبات كل ما تفتكري خلصت منهم هتقعي في مطب جديد مش عاملة حسابه



*لو معجبتيش أكتر من واحد إوعي تحسي بالإحباط بكرة هيجي اللي أحسن منهم ؛إلا ما كان واحد..فيهم عدل



*مهما كنتي وحشة متقلقيش فيه اللي أوحش منك وإتجوزوا



-بعد الخطوبة



*بصي ..عذبيه.. الراجل يحب يتعذب البنت السهلة يدوبك يفكر فيها يومين ويدور على غيرها



*إوعي تقوليله بحبك أو عينيك عجباني الراجل ميحبش كده أبدا



*إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر



*لو سألك عرفتي حد قبلي قوليله لا حتى لو كنت مصاحبة رجالة مصر القديمة والجديدة



*لو حاول يوقعك ويقولك بحب الصراحه وكده، برضه خليكي ناصحه أنت عمرك ما عرفتي راجل غير باباكي طبعا



*هيقولك هسامحك وده ماضي متصدقيش برضه الرجاله قلبهم أسود وهيمسكهالك ذله العمر كله



*إحترمي أهلك متغلطيش فيهم قدامه حتى لو كانوا بيئة وربش علشان ميتجرأشي عليكي وعليهم



*هيقول إذا كان أهلها بتعمل معاهم كده هتعمل معايا ايه؟ هيعملك فيها مصلح اجتماعي بروح امه



*بلاش زن ورنات تليفونات ورسايل حب وهيام دول عالم .... مش هيقدر الحاجات
دي هيتغّر ويفتكر نفسه أحمد عز وهو زي ما إنتي شايفاه قومي بصي لصورته ع
الموبايل



*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي واحد ملوش لازمة زي ده يفتكرك واحده من إياهم



*هيضغط عليكي باسم الحب ياسم العواطف باسم أنكم في حكم المتجوزين إنك تروحي
الشقه معاه روحي بس المرة الجاية مش هيبقي لوحده هيجيب معاه أصحابه



سيبيه يرغي براحته وعدي الفشر اللي هيفشره عن البنات اللي دايبين في دباديب
سيادته إعملي إنك مصدقاه مع أنك عارفه إنك لولا خايفة لا تبقي عانس مكنتش
قبلتي بواحد زيه



*خليكي دايما في أحسن صورة هيقولك بحبك تكوني على طبيعتك بحبك من غير
ماكياج متعمليش كده لأنه بيتلاءم عليكي عاوز يعرف أنتي حلوة فعلا وإلا دي
بويه ..خليه على عماه
احنا ما صدقنا وقعناه...

******************************************


ايه رايكم فى الكلام ده

وبجد فى بنات عندهم حرفة انهم ينمروا على حد ويتجوزوه؟
طيب لو حصل كده يبقى عيب؟؟
انا مستنية رايكم

ههههههههههههههههههههه
حلو كتير
انا حعمل بالنصائح دي
على كده حبقى بدون جواز

هههههههههههههه لازم نسمع نصائح الست فوزية هههههههههههه

حواء جربي انتي الاول وبعدين اعطينا النتيجة

شكرا على الموضوع المضحك

شوفو يا بنات لا تسمعوا نصائح ستي فوزية

هي عوزاكم تعنسوا عشان تتزوج هي و تختار في العرسان

[b]

موضوع جد رائع
الحقيقة ان الرجال في هذا الزمن لا يحتاجون الى اصطياد لانهم موجودين على الشاطئ وسهل الامساك بيهم
لاننا اصبحنا في زمن طغت عليه نسبة الذكور اكثر من نسبة الرجولة
الله يرحم زمن رجال يبحثنا على من تكمل معهم مشوار الحياة
اما ما نلاحظه في هذا الزمن الا ذكور تبحث عن من يشبع غريزتم